چهارشنبه, 04 تله 1397 -

خبري سرویس

dzBXgMkpg4keKcIQgBuj84

نظر پوښتنه

د افغان حکومت لپاره کوم لومړیتوب ټاکئ؟
 

Facebook Social Like Box

ویډیو/ تصویر

افغانستان او نړی

تهران په هواز کې د برید مسوولیت په عرب هیوادونو اچوي

يكشنبه, 01 تله

روحاني وايي د امریکا او خلیج هیوادونو مقابلې ته چمتو دي

ایراني مشرانو ددغه هیواد اهواز ښار کې د تیرې ورځې د برید مسوولیت د امریکا به عرب متحدینو اچولی دی.

د ایران مذهبي مشر «ایت الله خامنه يي» او ولسمشر «حسن روحاني» ادعا کړې، چې د متحدو ایالتونه لاسپوڅي د ایران د ناامنه کولو هڅه کوي.

روحاني د ملګرو ملتونو عمومي اسمبله کې د ګډون لپاره نیویارک ته له روانیدو وړاندې ویلي، چې هیواد یې د امریکا او خلیج هیوادونو پر وړاندې مقابلې ته چمتو دی.

د ایران د شمال لویدیځ په اهواز ښار کې پر پوځي پریډ د شنبې ورځې په برید کې ۲۵ کسان وژل شوي او نږدې ۸۰ نور ټپیان شوي دي.

په روسیه کې د ختیځ اقتصادي فورم غونډه

چهارشنبه, 21 وږی

پوتین: شمالي کوریا ډېر اقدامات کړي، خو واشنګټن ترې نورې غوښتنې لري

د روسیې ولادي ووستوک ښار کې د «ختیځ اقتصادي فورم» غونډه دوام لري.

د کوربه روسیې ولسمشر «ولادېمیر پوتین»  دغه کنفرانس ته ویلي، چې شمالي کوریا له اټومي وسلو څخه  د بې وسلې کیدو په لور ډیر ګامونه پورته کړي، خو واشنګټن یې پر وړاندې هیڅ غبرګون نه ښيي او نورې غوښتنې هم لري.

هغه زیاته کړې، چې پیونګ یانګ اوس د پورته کړو ګامونو په ځواب کې مثبت غبرګون ته منتظر دی.

د چین ولسمشر دغه کنفرانس ته د خبرو پر مهال د «لرې ختیځ» سیمې د بیارغونې لپاره د مسکو هڅې ستایلي او په دې برخه کې یې روسیې سره هر ډول همکارۍ ته چمتوالی ښودلی دی.

د «ختیز اقتصادي فورم» کلنۍ غونډه له ۲۰۱۵ کال راهیسې د روسې د ولسمشر په نوښت جوړیږي، چې سیاستوال، سوداګر او متخصصین په کې مخامخ د سیمې په وضعیت خبرې کوي.

سږ کال هم دغه کنفرانس کې له ۶۰ هیوادونو څخه زرګونو کسانو ګډون کړی دی.

د جاپان صدراعظم « شینزو ابې» روسیې ته تللی

دوشنبه, 19 وږی

هغه ویلي غواړي مسکو سره د سولې تړون لاسلیک کړي

جاپان غواړي له روسیې اړیکي پیاوړې او د سولې تړون لاسلیک کړي.

ددغه هیواد صدراعظم شینزو ابې له روسي چارواکو سره په دې تړاو د خبرو لپاره مسکو ته تللی دی.

هغه پوتین سره د لیدو پر مهال رسنیو ته ویلي، چې په بیلابیلو دوه اړخیزو او نړیوالو مسایلو یې خبرې کړې دي.

جاپان او روسیې د ځینو ټاپوګانو د ملکیت پر سر د لانجې له کبله له دویمې نړویوالې جګړې راهیسې د سولې رسمي تړون نه دی لاسلیک کړی.

د روسیې ولسمشر ولادیمیر پوتین د جاپان د صدراعظم «شینزو ابې» کوربه دی.

دوی په «ولادي ویسټوک» ښار کې لیدلي او له خپلمنځي اړیکو او سودګرۍ نیولې تر سیمه ییزو او نړیوالو موضوعاتو په بیلابیلو مسایلو غږیدل دي.

د جاپان صدراعظم پوتین سره د لیدو پر مهال وویل، چې غواړي روسیې سره د سولې په رسمي تړون هم وغږیږي.

د روسیې ولسمشر له دویمې نړیوالې جګړې را وروسته د روسیي او چاپان ترمنځ په لومړي ځل پوځي برخو کې همکاریو ته اشاره کړې او ددغو همکاریو په پراختیا یې ټینګار کړی.

ټاکل شوې پوتین روانه اوونۍ همدغه ښار کې د چین او سویلي کوریا له مشرانو سره هم وګوري.

ویل کیږي د دوی لیدني او بحثونه به تر ډیره له اټومي وسلو څخه د کوریا ټاپو وزمې په بې وسلې کیدو متمرکزې وي.

ولادي وېستوک ښار راتلونکې دوه ورځې د یوې اقتصادي غونډې کوربه هم دی.

 

د ایران ستر مذهبي مشر ایت الله «علي خامنه يي» د ایران له وسله والو ځواکونو وغوښتل، چې ځانونه پیاوړې کړي

يكشنبه, 18 وږی

هغه په خپله رسمي ویبپاڼه لیکلي، چې دښمن باید د ایران له ځواکمنیتا ووېریږي.

خامنه يي وايي د ایران ولس د امریکا پر وړاندې په مقاومت سره ثابته کړې، چې هېڅکله ګواښونو او سرتمبګۍ ته نه تسلیمیږي.

هغه دا څرګندونې په داسې مهال کوي، چې په دې وروستیو کې یې واشنګټن سره د هیواد اړیکې بیا کړکیچنې دي.

د ایران ستر مذهبي مشر ایت  الله علي خامنه يي ددغه هیواد وسله والو ځواکونو ته لارښوونه کړې، چې د ځان د ځواکمنتیا لپاره لاس په کار شي.

خامنه يي وايي، د ایران وسله وال ځواکونه باید دومره پیاوړي وي، چې دښمنانان ترې وویریږي.

د خامنه يي رسمي ویب پاڼې لیکلي، چې هغه دا څرګندونې په ساحلي نوشهر ښار کې له پوځي زده کړو د محصلینو د فراغت مراسمو ته کړې دي.

«خپل ځواک د امکان تر حده لوړ کړئ، ځکه ستاسې ځواکمنتیا د دښمن د ویرې لامل ګرځي او عقب نیشنۍ ته یې اړباسي.»

د ایران مذهبي مشر دلته د خپلو سمندري ځواکونو مانورې هم لیدلي دي.

خامنه يي په خپله رسمي ویبپاڼه لیکلي د ایران ولس د امریکا پر وړاندې په مقاومت سره ثابته کړې، چې هېڅکله ګواښونو او سرتمبګۍ ته نه تسلیمیږي، بلکې زبر ځواکونه په شا کیدو ته اړباسي.

د ایران مذهبي مشر دا څرګندونې په داسې مهال کوي، چې په دې وروستیو کې یې واشنګټن سره د هیواد اړیکې بیا کړکیچنې دي.

تهران ګواښ کړی، چې که متحد ایالتونه یې د نفتو په صادراتو بندیز ولګوي، نو د هرمز تنګي له لارې به په تیلو د بار ټانکرونو د تګ راتګ مخه ونیسي.

ایران ته د پوتین او اردوغان سفر

جمعه, 16 وږی

د دواړو هیوادونو د مشرانو د سفر هدف د سوريې د کړکیچ پر حل لاره خبرې بلل شوي.

د روسیې او ترکیې ولسمشران نن تهران ته ولاړل.

ولادیمیر پوتین او رجب طیب اردوغان نن د ایران له ولسمشر حسن روحاني سره د سوریې د کړکیچ د حل په هدف بحث لپاره تهران ته ورسیدل.

دغو درې هیوادونو په درې اړخیزه ناسته کې په سوریه کې پر روانې لوبې ټینګار وکړ او وویل چې باید په سوریه کې د امریکا غیر قانوني حضور پای ومومي.

دغه لیدنه په داسې حال کې ترسره کیږي چې د بشار الاسد حکومت او متحدان یې روسیه او ایران د ادلیب ولایت د نیولو لپاره چمتوالی نیسي.

دا په داسې حال کې ده چې لویدیځ هیوادونو ددغو عملیاتو له پیلیدو څخه خبرداری ورکړی.

د یادو هیوادونو مخکینۍ ناستې د ۲۰۱۷ کال په نوامبر او د ۲۰۱۸ کال په اپریل میاشت کې په سوچي او انقره کې ترسره شوې وې.

SP_WEATHER_

°C

کابل

SP_WEATHER_
Humidity: %
SP_WEATHER_

°C

کندهار

SP_WEATHER_
Humidity: %
SP_WEATHER_

°C

هلمند

SP_WEATHER_
Humidity: %
۱۸.۱۰ افغانۍ
سعودي ریال ۹۶.۸۰ افغانۍ
یو پونډ
۷۷.۰۰  افغانۍ
یوه یورو
۷۷  افغانۍ یو امریکایی ډالر
۸.۷۰ افغانۍ
زر تومنه
۹۲۵ افغانۍ
زر هندۍ کلدارې
۶۱۲  افغانۍ زر پاکستانۍ کلدارې
یوه افغانۍ
۱۵.۱۰یوآن