جمعه, 04 کب 1396 -
ویډیو/ تصویر

افغانستان او نړی

د امریکا د متحدو ایالتونو حکومت اړ شو، چې سنا کې د بودیجې د طرحې تر ردیدو وروسته ګڼ خدمات ودروي.

اړتیا وه، چې د فبرورۍ تر ۱۶ مې د فدرالي حکومت د لګښتونو د بودیجې دا طرحه سنا کې ۶۰ مثبتې رایې واخلي، چې دا کار ونشو.

په داسې حال کې چې سپینه ماڼۍ او سنا دواړه د جمهوریپالو تر کنټرول لاندې دي، دا لومړی ځل دی، چې امریکا کې د بودیجوي ستونزې له کبله خدمات درول کیږي.

په ورته وخت کې د امریکا ولسمشر ډونلډ ټرمپ او مرستیال یې مایک پنس پر دیموکراتو سناتوران تور پورې کړی، چې سیاست ته پر ملي ګټو لومړیتوب ورکوي.

 

ملګري ملتونه وایې ایران په یمن کې د وسلو له ممنوعیت څخه سرغړونه کړې

د ملګرو ملتونو متخصصین وایې چې ایران په یمن کې شعیه ملیشو ته د وسلو په مستقیم او یاغیر مستقیم انتقال سره د دغه سازمان د وسلو له ممنوعیت څخه سرغړونه کړې ده.

ملګرو ملتونو د یوه رئپوټ په خپرولو سره پر ملکیانو د یاغیانو او د سعودي عربستان په مشرۍ د ائتلاف پر بریدونو هم نیوکه کړې ده.

د ملګرو ملتونو کارپوهان د تېر کال د نوامبر او ډیسامبر په میاشتو کې سعودي عربستان ته لاړل او د هغو راکټونو د ټوټو آزموینه یې وکړه چې د حوثي یاغیانو له خوا ویشتل شوي وو.

د ملګرو ملتونو په رئپوټ کې لیکل شوي "چې پس له دریو کلونو شخړو، د یوه هېواد په صفت د یمن موجودیت له خطر سره مخامخ دی.

د ایران د نفتو لیږدونکې بیړۍ له یوې چینایي بار وړونکې کښتۍ سره له ټکر ته ورځې وروسته ډوبه شوه.

ددغې بیړۍ له ۳۲ سپرولیو څخه ۳۰ تنه ایراني او دوه نور بنګلدیشي وګړي وو،خو له پېښې وروسته هیڅوک ژوندي پاتې نه شول او یوازې د دریو قربانیانو جسدونه دژغورنې  ډلې له لوري ترلاسه شوي دي.

دغه بیړۍ چې دټکر له پېښې وروسته یې اور اخستی وو او پرله پسې چاودنې پکې کېدې بلاخره دیکشنبې په ورځ ډوبه شوه.

دغې بیړۍ ۱۳۶ زره ټنه خام نفت لیږدول اته ورځې وړاندې دهانګ کانګ له یوې بلې کښتې سره وجنګېده چې له امله یې په یاده بیړۍ کې اور لګېدونه رامنځ ته شوه.

ددې بیړۍ له ډوبېدو څو ساعته  وړاندې ایراني چارواکو اعلان وکړ،چې په بیړۍ کې دشته کسانو د ژغورلو له هڅې ناهیلي شوي دي.

 

د پاکستان پوځ وايي هند د دوي هوډنه آزمویي

د پاکستان د پوځ د عامه اړیکو رییس وايي، د دغه هېواد باورمن اتومي ځواک د هند مخنیوي کوي او که نوی ډېلی په دې برخه کې د اسلام اباد ازمویل غواړي، خپله به یې نتیجه وویني.

اصف غفور د هند د پوځ لوی درستیز په ځواب کې ویلي چې هند که د پاکستان هوډ ازمايي، نو دا کار دې وکړي، خو پایله به یې خپله وویني.

له دې مخکې د هند د پوځ لوی درستیز ویلي و چې که حکومت یې امر وکړي، نو د هند وسلوال ځواکونه به له پولې واوړي او پاکستان کې به له عملیاتو شا ته نه شي.

د پاکستان او هند د پوځي چارواکو دا ناندارۍ په داسې مهال دي چې تېر زېږیز کال کې یې هم له یو بل سره اړیکي له تاوتریخوالي ډک و.

د ایران ولسمشر وایې امریکا د ایران د اټومي هوکړې په کمروزي کولو کې ناکامه شوې ده

د ایران ولسمشر وایې امریکا د ایران د اټومي هوکړې په کمروزي کولو کې ناکامه شوې ده او پدې برخه کې د ټرمپ هڅو نتیجه نده ورکړې.

حسن روحاني په تهران کې یوې غونډې ته خبرو پر مهال وویل چې  امریکا تر خپلې وسې هڅې کوي چې دغه توافقنامه کمزورې کړي اما د نورو هیوادونو ورسره ملګري ونه کړه.

نوموړی وایې پرته له دوو دریو هیوادونو نورو ټولو له ټرمپ سره مخالفت ښودلئ دی:

حسن روحاني وایې امریکا په نړیواله کچه هڅې کوي چې په ایران فشارونه راوړي خو دوي په هیڅکله د امریکا دې فشارونو ته تسلیم نشي.

نوموړی یو ځل بیا خبرداری ورکړ چې که امریکا له اټومي هوکړې ووځي دوي به یې پرې کړي:

د ایران د ولسمشر دغه تازه څرګندونې داسې مهال دي چې ورځ دمخه  ټرمپ په ۱۴ ایراني چارواکو د بندیزوونو لګولو او دارنګه له ایران سره د اټومي هوکړې د لغوه کولو خبرداری ورکړ.

 

 

SP_WEATHER_

°C

کابل

SP_WEATHER_
Humidity: %
SP_WEATHER_

°C

کندهار

SP_WEATHER_
Humidity: %
SP_WEATHER_

°C

هلمند

SP_WEATHER_
Humidity: %
۱۸.۱۰ افغانۍ
سعودي ریال ۹۸.۸۰ افغانۍ
یو پونډ
۷۷.۰۰  افغانۍ
یوه یورو
۶۸.۸۸  افغانۍ یو امریکایی ډالر
۱۸.۷۰ افغانۍ
زر تومنه
۹۲۵ افغانۍ
زر هندۍ کلدارې
۶۱۲  افغانۍ زر پاکستانۍ کلدارې
یوه افغانۍ
۱۵.۱۰یوآن