_{سه شنبه, 19 مرغومی}

پداسې حال کې چې هیواد په نورو برخو کې د پاکستان لخوا په ډیورنډ کرښه د اغزن تار غځول کار جاري ساتلی خو په ختیځ پوځي قوماندانان وایې په خپلو اړوند سیمو کې به ددې کار اجازه ورنکړي.

دوي وایې د کنړ، ننګرهار او نورستان ولایتونو اړوند د ډیورنډ په کرښه به پاکستان ته د اغزن تار د تیرولو اجازه ورنه کړي

د سرحدي ځواکونو عمومي قوماندان وایې  پاکستان ته به لدې وروسته په افغان خاوره د توغندیې بریدونو اجازه هم ورنکړي:

بل خوا د عامه نظم پولیسو قوماندان وایې داعش په ننګرهار کې مات شوی او د ډیورند کرښې هغې غاړې په پاکستان کې فعال مرکزونه لري .

د ملي اردو قوماندان هم وايي په روانو عملیاتو کې د ننګرهار اچین ،کوټ ،هسکه مینه ،پچیراګام او خوګیاڼي ولسوالۍ د داعش له شتون څخه پاکې شوې دي:

پوځي قوماندانان داسې مهال د داعش ډلې د ماتې خبره کوي چې عام خلک او د ملي شورا غړي بیا وایې چې داعش ډله اوس هم د ننګرهار په ډيرو سیمو کې فعاله ده او تازه دغې ډلې په کنړ کې هم په افغان ځواکونو بریدونه کړې دي.