کابل نیوز یو خصوصي ټلویزیون دی، چې له کابل ښار نه په پښتو او دري ژبو خپرونې کوي.

کابل نیوز د افغانستان د اطلاعاتو او فرهنګ او مخابراتو وزارتونو په رسمي جواز، د افغانستان د اساسي قانون او رسنیو قانون په رڼا کې فعالیت کوي. دغه چینل یو بشپړ سیاسي- خبري چینل دی، چې د افغانستان او نړۍ ورځني مسایل او پېښې تعقیبوي.

د کابل نیوز تحلیل، شننې، څیړنې، خپرونې، خبرونه او رپوټونه د واقعیتونو او حقایقو په رڼا کې تعقیبیږي او د هیڅ اړخ او لوري پلویتوب نه کوي.

کابل نیوز ځان اسلامي ارزښتونو ته ژمن بولي او د افغانستان د ملي ګټو او ارزښتونو په رڼا کې عمل کوي.